أكتوبر 2017
الإثنينالثلاثاءالأربعاءالخميسالجمعةالسبتالأحد
      1
2345678
9101112131415
16171819202122
23242526272829
3031     

اليومية اليومية

المواضيع الأخيرة

آٍلّشآٍيِقٍيِِ وَعٍمٌلّيِهً آٍلّ......

استعرض الموضوع السابق استعرض الموضوع التالي اذهب الى الأسفل

آٍلّشآٍيِقٍيِِ وَعٍمٌلّيِهً آٍلّ......

مُساهمة من طرف mamdouh twix في الأربعاء 08 يوليو 2015, 2:24 pm

شايقى يصف عملية بواسير

مٌنً آٍطَرٍفُ آٍلّقٍصِصِ هًيِ قٍصِصِ آٍلّشوَآٍيِقٍـٍة


جاني تلفون من صحبي اسامة قالي زولك حسن ساونلوا عمليي دحين أضربلو

أتاريه الخرابة ما قالي العمليي ألت شنو

شلت تليفوني طبزك طبزك طلعلي رقمو وضربتلو

- ألو

- ياخينا ألف حمدلالاك بالسلامي قالولي سويتلك عمليي

- اييييه طارق هول ناس جبرين.. انت الخبر وصلك لا هناك

- ايي رسلي أسامة قالي صحبك سولوا عمليي

- نان ما قالك عمليي ألت شنو

- لا والله .. اها هسي انت كيفن

- وحاتك يا قريبي انا شفتلي أياما علي الضُلمة كله كله

- يا زول

- يا الحبيب قامن علي البواسير.. ليلن ونهارن ينتحن وانا اتململ من هني لاااا هني
علي اللقيمات وكتين يقلبوها في الصاج.. وكل يوم امشي اهبش فيها في الحمام
وألقالك شخاليب مدلدلي علي الشافع وكتين ينفخ اللُبانة.. مشيت جبتلي مرهم من الاجزخانة
وقعدت أليس فيها ليلي وصباحي زي العروس اليدلكوا فيها قبل العرس

- اها

- تبرد شويي وتاني تتلافاني... وأقعد أتوحوح .. هبشتها لقيت الشخالب زادن بقن زي ترس الكلتش
والقصي جابتلها دم.. يا بي اسويلي فوطة تحت اللباس ولا كمان اسويلي بامبرز زي محمد ولدي
ودة كله يا الحبيب خوف من مشية الدكتور والبعبيص في .......... علي كُبرنا

- نان مالك ما مشيت لي د. طارق

- انا قلت يا الحبيب أكمدها بي شي لامن براها تروح.. نان هي همدت شي
اها يا الحبيب مشيت علي طارق الله يديه العافي..
دخلني وبقى يبعبص في .............. الجن ده

- شن قال

- قالي يا زول انت الخرابة دي خليتها لي هسي كيفن.. لازم تسويلك عمليي سريعي
عمليي... وووب عليك يا حسن ود حزامة...

- ههههههههه اها

- المهم حددلي مواعيد للعملي في مستوصف في العمارات.. كلمت المرة وقلتلا تكلم اختها
فشان تجي تقعد مع البُطان وما تقولها نوع العمليي.

- ههههههههههههههههههه

- ايي يا الحببب لا نبقى في الفضايح كمان
يا زول مشيت شايلي معاي غيار ومعاي المرة دخلنا ملينالنا اوراق كدي ودخلوني اوضة
ختيت فيها الغيار ومعاي المرة.. جاء واحدا غليد كدي ليه رقبة علي ((التلكي)) أليل الجزارين
أداني مريلة كدي قالي ألبسها وأقلع هدومك كلهن..

-اها

- اتقولعت ولبست مريلة الجن دي.. وطبعا صايم ما أكلتلي شي من أمبارح
وأشوف في القرقوش المرسلاهو لي أمي من (العفاض) وأعضعض في لسناتي
جاء الخرابة الغليد ده ساقني.. مشينا علي أوضة كدي فيها سرير مصنقع كدي
رقدوني فيهو وأشوف في زولك يخجلو في باقة كبيري فيها رغوة ألت صابون
شويتين جابلو خرطوشا أخدر طويل كدي ليه راس صغوووير.. ووووب عليك يا حسن ود حزامة

قلتلو: انت الخرطوش دة لي شنو

قالي عشان بطنك تفضى لازم نكب ليك شوية صايون
وبقيت أقنت يا الحبيب قبل يدخلولي خرتوش الجن ده
شويتين جابلو مرهم كدي دعكو في تروس الجن ألاتي ديلك وبدأ يدخل في الخرطوش
نان يا ود جبرين أنا باقيلي الله ما بيحاسبني تاني

- ههههههههههههه كيفن

- أماني خرطوش الجن ماهو حاااااار هو يدخل فيهو وأنا أقنت
شويتين بقى يكب في صابون الجن ده من الباقة.. هو يكب وأنا أنفخ في ريالتي
زي المكوة البترش الموية في الهدوم ديك
وحاتك كمل الباقة كلها في مصاريني وحسيت نفسي بقيت زي سمكة التامبيرا
اها قام قالي بعد نطلع الخرطوش دة حا تحس انك داير تمشي الحمام
الحمام قدامك.. نص ساعة ندخلك العمليي..
نان أنا صبرت لامن يطلع الخرطوش كله...
وحاتك سلة الخرطوش كدي بوووووووووووووش رشيتو ورشيت الحيط كلهن

- هههههههههههه الله لا كسبك أها

- يا زول مليتلك الدنيا .. وإن ما أكذب
طلعتليي باميايي سالمي ضومة ضومة

- هههههههههه نان انت ماك صايم

- اييي بس قبليها بي يوم جيت جعان لقيت المرة مسويالا باميي سمحي
زي ألت دعاية زيت صباح ديك ووقعت فيها جف جف جف
وحات نضري يا ود جبرين الحيطة ألت الأوضة بقت زي حيط حمامات السوق العربي
كلها مجلطة والعفني ما تديك الدرب..

- نان ما كاتلك الخرابة الغليد دة

- يكاتلني فييي شنو.. نان هو كبسني صابون زي المخدة الجديدة الينجدوا فيها
وفوق ده كله ما أسوي السويت ده موش دافعلهم.. ما بي قروشي

- ههههههههههههه

- يا زول ودوني أوضة تاني ودخلت الحمام وبقيت أعصر في بطن الجن دي
وحاتك يا الحبيب أنا قايل مصاريني نزلن ضومة ضومة..
نص ساعة جوا دخلوني للعمليي وجاء د. طارق ومعاهو واحدا تاني
عٍوبنيتين قالولي ديل سسترات.. اها رقدوني علي بطني وختولي شيتا تحت محسني
وبقيت راسي مدلدل لااا تحت ......... مفنتر لااافوق علي القلاب أليل التراب وكتين يجي يفضي التراب

- ههههههههه أها

- اها جاء واحدا شايلو حقني ليها راسا طويل كدي قمت قلتلو: انت دي شنو كمان
طارق قالي دي حقنت البنج حا نطعنك بيها في ضهرك.. قلتلو نان مالو رويسها طويل كدي
لا يبقى جبتولكم حقنة قرنتيي.. قعدوا يضحكوا يا الحبيب والراجل بقى يهبش في ضهري لمن
طبزني بي حقنة الجن دي... وجسمي التحت بقى يخدر وماني حاسيبو...
شويتين شلخولي رجليني زي الخروف الدايرين يقسموهوا نصين

- أها

- يا زول السسترات شالخاتلي رجليني.. وأصلهن رجلين الجن ديل تقول بقت ملصقات بي بزاق
يعوجن فيهن الخرابات ديل من هني لا هني.. تقول لاعبة جمباز
وأشوف في طارق يشيل ويقطع في شخاليب الجن ديل.. ويخيط..
شويتين الزول المعاهو يا طارق جابلو خابورا كبييييير علي عصاية البشير البينقز بيها
في ريوس العربات ديك.. أها خابور الجن دة كبولم فيهو شيتا ملايق كدي
وهجروه في حفرة الجن دي وطارق قلع الخرابات الكان لابسن وجاء عند راسي وقالي:
حمد الله بالسلامة أهملتها لكن الحمد لله العملية انتهت بس حا يعملوا ليك لصقة كدي وبجيك المساء أشوفك
وإن شاء الله باكر الصباح تمرق لي ولادك..
أها الزول المعاهو بقى يليس في خابور الجن دة وشالوني نقلوني علي الأوضة
لقيت المرة قاعدي ممحنة.. شافتني حمدلت لي بالسلامي وطلعتلها علبة حلاوة أدت السسترات منها..

- أها

- ساعتين يا طارق بنج الجن دة يفك مني.. زي التقول ضربوني بي ملتوف من تحت
وانطلقت فيني الناريي.. وبقيت أوجوج.. وأعضعض في يديني..
ووكتين الشي زاد علي قلت لي المرة شوفيلي أي دكتور أن قربت أموت..
ربك رب الخير جاء واحد طبزني حقنة شويي أرتحت،،

- سلامة والله

- يا زول أنا ما معرسلي جعليي.. وأخت البت قومي كلمي أهلك وجوا منكبسيني فيني

- اها شن قلتلم.. انت ماك داسيها

- آآآبعرف تراها بتهم كلمتهم.. وشويتين كبسني ليك نُفاخ يا طارق

- لا يبقى في باقي بامية في المصارين

- شن عرفني.. وحاتك كلو ما شوي زايد.. والخابور ماهو سادي المنافذ كلهن
وجات أمها تسويلي: ألف سلامة يا ود امي
النجما تهرد لهاتك أنا خلاص داير أطرشق..

- هههههههه شن سويت

- قلت للمرة بعد النفاخ زاد وعيوني بقن غُلاد علي ضكر القعونج اليفتشلوا في انتاييي
قولي لي امك تسوق النسوان ديل وتطلع أن بقت جات جنبي تاني بطرش فوقها
هً
- ههههههههههه

- يا زول عافرت بي تحت لقيتم مليسين الخرابة زي بُرطمان الدلكي الخاتنو للعروس
بقيت أعافر بي أصبعي لااامن سويتلي فتحة صغوووويري.. بس بالله زي الماسورة
الكانت قاطعي منها المويي... ....................­......

- هههههههههههههههههههه­ ماك نصيح وحات ربي ماك نصيح

- يا طارق انا ماني كنت داير أموت من بامية الجن دي...
المهم يا الحبيب أخدتلي نومي والمغرب جاني د.طارق حسين
طلعوا خابور الجن دة وسوولي مراهم كدي وقالي باكر الصباح تطلع

- والله سلامة يا الحبيب

- يا زول يومين وانا دخول الحمام دا علي ولادة الشفع
اسبوع كدي حتى استعدلت... غايتو أن بقن جاتك لا تسويها في السودان

- هههههههه يا زول مالك علي

- غايتو ضومة فضيحي


mr.viròÓs

mr.viròÓs
avatar
mamdouh twix
Admin

عدد المساهمات : 33
نقاط : 98
تاريخ التسجيل : 20/06/2015
العمر : 23

معاينة صفحة البيانات الشخصي للعضو http://mum-fat.afdalmountada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى